Fairy Tale

بدات زى الناس كلها ما بتبدا ..

اتولدت .. بكيت و بعدها اتعلمت اضحك..

و اتعلمت الكلام .. سمعت حكايات و اساطير..

حلمت .. حلمت اعيش حكايه حقيقيه مش خياليه ..

حكايتى انا...

حكايه من غير نهايه .. حكايه فيها حزن و سعاده .. فشل و نجاح ..

اطير على بساط علاء الدين و الف الدنيا

ابقي سيندريلا و الاقى الامير

ابقي روبن هوود و اساعد الناس من غير موضوع السرقه

اكون انا ... اعرف مين انا ...

اتأثر بالناس ... و اؤثر فيهم ...

احب .. و اتحب ...

اعيش ..

خيال .. حقيقه ... مش مهم

المهم تعيش و تطلع من الغيبوبه

انت عايش ؟؟؟