حد فاهم حاجه ؟؟

انا عن نفسي مش فاهمه

مش فاهمه اى حاجه بجد

رجب طيب اردوغان ينسحب من مؤتمر دافوس دفاعا عننا و عن دمنا المستباح

عمرو موسي .. فى نفس المؤتمر .. قعد يتفرج

تركيا و فنزويلا بياخدوا مواقف و بيقولوا لا و احنا بنشجب و بنندد

ناس عندها دم و ناس لها ترتر


************

مش قادره افهم برده هو احنا ليه معندناش دم

يعنى بنتشتم فى كل مكان ... العالم كله شايفنا متخلفين
بيتداس علينا جوه و بره
و ساكتين ..
خدنا تقريبا على كده
و بقي موقف عادى .. تفتح التليفزيون او تدخل سينما تلاقى العرب و المسلمين طالعين متخلفين و جهله

بس بجد لهم حق .... لهم حق يدوسوا علينا
ولهم حق كمان يعملوا كل حاجه
طالما احنل ساكتين ولا ومش بس ساكتين
ده احنا بنديهم بايدينا اسلحه يهاجمونا بها
شيوخ بيطلعوا يدوا فتاوى ... ميقبلهاش عقل طفل .. و ده غير الاعجازات الملفقه ... مش فاهمه مين قالهم ان ديننا ضعيف و محتاج يخترعوا معجزات ينشروها .... السما انشقت و كتبت مش عارفه ايه ....كل ده بيخلى المجتمع الغربي يقول علينا اغبيا ... و يخليهم يشككوا فى ديننا كمان

والعيب علينا احنا

************

هو دماغ الناس راحت فين
هتجنن بجد
فى مدونه نواره نجم .. جبهه التهييس الشعبيه لقيتها بتتكلم عن تصويت

http://www.sondaggi.rai.it/index.php?sid=39195&lang=it

كون ان يبقي فيه تصويت اصلا بيسال مين مجرم الحرب اسرائيل اللى ضربت
ولا حماس اللى استخدمت الاطفال دروع بشريه
ده فى حد ذاته يجنن

بس اللى هيشلنى بجد النسبه
38.4% شايفين حماس هما اللى مجرمين ... مش اسرائيل

حاجه تجنن اما حد يسال هى الشمس بتطلع الصبح ولا بالليل
بس اللى يفرس و يقهر و يطير اى ذره عقل فاضله فى الدماغ اما حد يجاوب على السؤال و يقول الشمس بتطلع بالليل

هى الناس دى مفيش عندها مخ ... ولا الاعلام الصهيونى عمل غسيل مخ للناس

واحنا واقفين نتفرج برده

A Miracle Called Obama

معجزه بجد
حاجه كده خياليه ... تاخدك بعيد
تحس انك فى فيلم والت ديزنى .... او فيلم اسطورى

انا مش شايفه فيه الامل المنشود او المخلص لعذابنا
ولا حتى على اقل تقدير انه هيوقف التدمير اللى بدأ فيه اللى سبقوه
بس هو معجزه محدش يقدر ينكرها

منظر بحر الناس وقت التنصيب
ناس من كل لون و نوع و شكل و طبقه
ناس بيجمعها ايمانها بانسان واحد ..و ايمانهم انه الامل لهم و لبلدهم
بيجمعهم حب و احترام و امل
ان انسان واحد يقدر يجمع كل البشر دى على حاجه .... دى معجزه

ان كل الناس اللى اتكلمت عنه و اثر فيهم
he inspired them
الهمهم ... الهمهم ان مفيش مستحيل .. الهمهم ان كل واحد يقدر يعمل تغيير
التغيير ده مش لينا احنا ... بس تغيير لهم هما
دى معجزه رائعه فى حد ذاتها

مش ممكن على قد ما كنت مبهوره باللى بيحصل على قد ما كان عندى حقد و حسد و كميه سواد رهيبه من اللى شايفاه ... ان هما وصلوا لده و عندهم .. انهم بيستمتعوا بنتيجه اختيارهم و عندهم اصلا حاجه تقريبا مسمعناش عنها هنا ...حاجه اسمها
Free Will

هما كان عندهم اراده حره اختاروا بها رئيس مقتنعين به
شايفين فيه الامل ... و بكره احسن
بس حتى لو الراجل ده معملش اى حاجه خالص ولا عرف يصلح حاجه
فهم برده اختاروا ... و هو قدر يحرك جواهم اللى يخليهم هم اللى يغيروا و هم اللى يعملوا
فحتى لو بايده مغيرش اى حاجه ... فبوجوده و تاثيره هيخلى ملايين يغيروا حاجات اكتر

Ayam Zamaaaaan 3

بــــيـــبـــو فرقع جـــيــجــي

****************

اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون يا حبذا لو كانت ماركة انتربول التركية كنت تبقى ملك
واذا كنت شاهدت الانتشار الفجائى لماركه cat
اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدتهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية)

اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه)

اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي

إذا كانت كل البنات من حولك معجبين بأحمد عبد العزيز ويرونه فارس أحلامهن (رغم قصر قامته وشنبه اللي مش عاطفي اطلاقا)

اذا كنت متابعا جيدا لسهرات التليفزيون الممتعة (اخترنا لك يوم الاربع - تاكسي السهرة يوم الاتنين - بانوراما فرنسية - اوسكار - العالم يغنى))

اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)...حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي

اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختارأو جمال الشاعر)

اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام

اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن

اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!

اذا تكون شاهدت على الحجار مرتين في يوم واحد على نفس القناة... مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين)

اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك بتاع انابيب))

اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب.. بالاضافه لفلاش و سماش بشخصياتهم المواطن المطحون .. توتو عضلات .. علاام ... البحار الغبى و مغامرات بليه
وكنت تقوم باستبدالها من المكتبة باعطاءه العدد وربع جنيه لتحصل على عدد آخر

اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية ) ومحمد فؤاد (قبل ان يتحول لدب قطبي)

اذا كنت تترقب بشدة أى حفلة بها فقرة (عزب شو) وتستمتع بمحمود عزب وهو يقلد محمد منير ومحمد نوح

اذا كنت شاهدت (فولا فولا بالومبيلا) معجبا بالطفله الجميله وهي بتغني وانت معتقد ان معنا الجمله دي هي طيري طيري يا عصفوره بس بلغة الهنولولو

إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان)

اذا كنت قد مشيت في الشوارع لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق

اذا لعبت و انت صغير بلاك شوز ... و سبت حد ... و اى ... و صنم و غنيت تماثيل اسكندريه تماثيل ستوديو مصر سوسو بتلعب بالمقص تماثيل .... اتوبيس كومبليت .. كهربا .. و استغاميه و المنديل . .. الكلب الحيران ... و صلح
و كوتشينه كابتن ماجد ... كومى .. واونو .. بنك الحظ .. و السلم و التعبان .... X O

اذا كنت من محبى البوزو و الكاراتيه قبل فلبظ و اهلاوى و السناكس

اذا كنت بتروح جنينه الحيوانات و تلاقى فيها حيوانات فعلا و تركب الفيل و تاكل الزرافه

اذا كنت شهدت على الابداع الشعبى للجماهير و تحويل كل الاغانى لتريقه على نفس اللحن
من اول من كام سنه وانا بقال بقال و ببيع الجبنه بنص ريال
و ماما دخلت الحمام ايا ايا او .. نطوا عليها 6 فيران ايا ايا او ... ماما تصوت تصوت تصوت تصوت تصوت بابا يزغرط يزغرط يزغرط يزغرط يزغرط
لحد جرب شرب البيره جرب شرب البيره و قولى قولى

و تكون بتستنى بشغف مسلسل القناه الاولى الساعه 7 و المسلسل الاجنبى على القناه التانيه
و بتتابع فى رمضان بوجى و طمطم و عمو فؤاد و تستنى الفوازير
شريهان و نيللى و فطوطه ... و فوازير احنا فين بتاعه سمير صبرى و سماح انور و حسن كامى و شيرين سيف النصر

اذا شهدت اختراع مسلسلات السهره ... و عرفت مخاطر الجواز العرفى فى جواز على ورق سوليفان

اذا تابعت مسلسل يوميات ونيس و حفظت طابور الصباح و ابنائى اعزائي فلذات اكبادى
ورددت جمله هدى انا فى 3 ابتدائى شهاده يا ناس
ومشيت فى البيت تقول بابا ونيس ماما مايسه احنا ولادكو هنرفع راسكوا

او اذا كنت تتابع كابتن ماجد .. مازينجر ... جريندايزر .. ماوكلى .. بابار .. كعبول الدب الاكول ... كاارتون الفواكه او كنت تتابع سينما الاطفال يوم الجمعه صباحا وماما نجوى و بقلظ و عروستى ... واما كبرت شويه عملوا لك برنامج حوار مع الكبار و البرلمان الصغير

واذا كان كل يوم بتسمع عايزينها تبقي خضراااا الارض اللى فى الصحرااااا هنقدمها لمصر هديه حاجه جميله و معتبره فى الفقره الزاعيه فى برنامج صباح الخير يا مصر ايام ما كان برنامج جماهيرى و الناس كلها بتتابعه
وبعدها حاولوا يستنسخوه و يعملوا مساء الخير و فشل فشل ذريع

اذا كنت شاهد على عصر مذيعات انقرضوا ... كان بيطلق عليهم مذيعات الربط و تطلع المذيعه بكامل اناقتها عشان تقولك المسلسل جاى فى السكه

و يوم الجمعه كان له طقوس مقدسه على القناه الاولى بعد صباح الخير يا مصر و سينما الاطفال و صلاه الجمعه كان لازم يجي سر الارض اللى منها طلع القرموطى ... و حلقه الشيخ الشعراوى و بعدين برنامج فى التتر بتاعه اسماعيل يس و اخره بيجى فيلم عربى بتاع العصر

اذا كنت بتتابع برنامج الكاميرا الخفيه ... واذا قلت نذيع هنذيع .... ذيع يا استاذ ابراهيم ذيع
باجزائه كلها وصولا لزكيه زكريا ... و احترز نفسك ... نجاااااااتى انفخ البلالين عشان عيد الميلاد

و الكبير كبير و النص نص و الصغير منعرفوش

اذا كنت ايام السينما فيها مستويين .. صاله و بلكون و كله على قد فلوسه

واذا كنت شهدت ظهور الساحل الشمالى ... و عرفت مراقيا و ماربيلا قبل ما تيجي مارينا و تقضى عليهم

واذا كنت شهدت ايام التحسين الخياليه ... لما كان المجاميع بتوصل لـ 102 %

واذا كان فى يوم من الايام مصروفك 50 قرش ... و البيبسي بـ 35 قرش
وكان فيه تنافس دايما بين شركه شيبسي و كرانشى قبل ما ينضموا لبعضهم و كرنشي يختفى




أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) وبعدها عاصرت امم أفريقيا 1998 وشوفت الناس حالقاها زيرو زي حسام وابراهيم رغم انهم ماكانوش حالقين!!

اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون) حسب ميولك وقتها أو شوفت طاهر القويري ومراته وهم بيسلمو جوايز الشمعدان

اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)

إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة - اللص الذى احبه - الضوء الشارد - الشهد و الدموع - اهالينا - العائله - امراه من زمن الحب - ابو العلا البشرى - ارابيسك - هوانم جاردن سيتى - رافت الهجان - نصف ربيع الاخر - احلام الفتى الطاير )

اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون) و برده ملقتهوش

اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين

اذا كنت قد لعبت في طفولتك باحدى اشكال لعبة (الميكانو) و قعدت تكسب في (البلي) وتعمل كيس كبير وتيجي والدتك ترميه في الشارع معاقبة لك

اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة – الشبح)

اذا كنت قد اشتريت (بلوفر تملى معاك) بالوانه الشهيرة الابيض والاسود والبترولي

اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم

ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد)

اذا شهدت النجاح الساحق لاغنية حمدي باتشان (ايه الاساتوك ده .. اللى ماشي يتوك ده)

اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها نسرينا

اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها


اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه)

اذا طاردتك ايمان الطوخي لفترة من حياتك .. تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان

اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول)

اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر ونفيسي الدحيح)

اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي
و 5 كوميدى و بعدها استنين برده تسمع الصوت و تشوف الشاشه الملونه بعد انقطاع الارسال

اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى

اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز))

اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والتي في لاند

اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم .. وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة

كما يتميز هذا الجيل إن الموبايلات ظهرت و كان حجمها عائلي و تبقى ماشى بفره شبشب باريال .. و كان الموبايل اريكسون قبل ما ربنا يفتح عليهم و ينضم لسونى ... و كنت تستحمل قلش الناس و هما بيقولوا عرفين ليه الموبايل حرام ... عشان اريكسون من عمل الشيطان
واما طلع 3310 كان اختراع وهمى ... عشان كان من غير الاريال
وكان الخط اغلى من الموبايل ... قبل ما يبقي فى ايد الجميع
و كانت ساعتها فيه ظاهرة إسمها الميسد كول لإن الدقيقة كان 1.75 قرش!! و كان اللي معاه موبايل ده برينس

و طبعا اللي كان يدخل على النت أيامها غني لإن الساعة كانت بعشرة جنيه و كان منتهى الأملة اللي ياخد نمرة حد حتى لو غلط و المسينجر كان الويندوز مسينجر من غير صور ... و كل الناس بتعمل شات فى شات مصراوى و
goodnews .... msnarabia chatrooms


اغلب الكلام منقول من الفيس توك
مع بعض الاضافات منى

Ayam Zamaaaaaan 2

اجمل من فى الحفله مين
دبدوبه التخينه
اللى لابسه فستان و .. فستان و جيبونه

ألواد كان عنده حق
اوعى تقولى له لا

كل البنات بتحبك كل البنات بتحبك كل البنات حلوين

حبايبى انتوا ياللى غاليين عليا مسحوق غسيلنا ده 100 100

سلام عشانه سافو حافظ كيانه سافو

هات لنا ريرى هات لنا ريرى

Ayam Zamaaaan

هم النم يا روحى جايبالك مم

كان فى فراشه صغنتته مفرفشه و مزقططه

كان فى واد اسمه الشاطر عمرو

جدو على
عنده قطه اسمها شطه

اطه بطه مبقلظه بس مهيش متعنطزه

متحسبوش يا بنات ان الجواز راحة

ماشية السنيورة كدع كده اهو عايزه لها صوره كده كده اهو

مـــاذا تـــكون ؟

ذهبت شابة الى والدتها ، وأخذت تشكو لها عن حياتها وكيف امتلأت بالصعاب
وأنها ليست تعلم كيف تتصرف و ترغب لو تستسلم
لأنها قد تعبت من القتال ومن المقاومة . ويبدو الأمر كما لو أنه كلما حُلت مشكلة برزت أخرى بدلا منها
اصطحبتها والدتها الى المطبخ
حيث ملأت 3 أوانى بالماء ثم وضعتهم على نيران قوية
وبعد وقت قليل أخذ الماء فى الغليان . فوضعت فى الإناء الأول جزر ، وفى الثانى بيض ، ثم وضعت فى الإناء الثالث حبات بن مطحون
وجعلت الأوانى تستمر فى الغليان دون أن تنبس بنت شفة
وبعد حوالى عشر دقائق أغلقت مفاتيح الموقد .... ثم أخرجت الجزر خارج الإناء ووضعته فى طبق ، ثم أخرجت البيض ووضعته هو الآخر فى طبق
، ثم صبت القهوة فى وعاء آخر ثم استدارت لابنتها ، وسألتها
" أخبرينى ، ما الذى ترينه ؟ " .
فقالت" جزر ، بيض ، وقهوة
فقربت الأوعية لها وسألتها أن تمسك بالجزر وتتحسسه ، ففعلت الابنة ولاحظت أن الجزر أصبح لينا .
ثم عادت الوالدة وسألت ابنتها أن تأخذ بيضة وتكسرها ، وبعد تقشيرها لاحظت الابنة كيف جمد البيض المسلوق .
وأخيرا طلبت منها الأم أن ترشف رشفة من القهوة . ابتسمت الابنة وهى تتذوق القهوة ذات الرائحة العبقة الغنية .
وهنا سألت الابنة: " وماذا يعنى ذلك ياأمى ؟ " . ففسرت لها والدتها أن كل من الثلاثة مواد قد وضع فى نفس الظروف المعادية ( الماء المغلى )
. ولكن كل واحد منهم تفاعل بطريقة مختلفة .
فالجزر ، كان صلبا لا يلين . ولكنه بعدما وضع فى الماء المغلى ، أصبح طريا وضعيفا
والبيض كان هشا . تحمى قشرته الخارجية الهشة مادته الداخلية السائلة . ولكن بعد بقاءه فى الماء المغلى ، أصبح داخله صلبا
ولكن البن المطحون ، كان مختلفا . لأنه بعد بقاءه فى الماء المغلى ، استطاع أن يغير الماء نفسه
وسألت الأم ابنتها " فمن تكونى أنتِ ؟ "
" عندما تدق أبوابك الظروف الغير مواتية ، كيف تستجبين لها ؟ هل أنت مثل الجزر ، أم مثل البيض ؟ ، أم مثل البن المطحون ؟ .
فكر أنت فى ذلك : من أنا ؟ هل أنا مثل الجزر أبدو صلبا قويا ، ولكن مع الألم والظروف المعاكسة ، أزوى واصبح ضعيفا وأفقد قوتى وصلابتى ؟
أم أنا مثل البيض ، أبدأ بقلب طيع ، ولكنه يتقسى بنيران التجارب ؟ هل روحى الداخلية كانت رقيقة كالماء ، ولكن بعد ظرف وفاة ، أو بعد صدمة عاطفية ، أو خسارة مالية ، أو تجارب أخرى ، هل تقسيت وتحجرت ؟ . هل إطارى الخارجى ما زال له نفس الشكل ، ولكنى فى الداخل صرت ملأنا مرارة وخشنا ، بروح متبلدة ، وقلب قاس ؟ .
أم أنا مثل حبات البن المطحونة ؟ . غيرت فعلا الماء المغلى ، نفس الظروف التى أتت بالألم عندما راح الماء يغلى ، أطلقت من البن الطعم الحلو والرائحة الطيبة . لأنك إذ كنت مثل حبوب البن ، مهما كانت الظروف فى أسوأ حالاتها ، فإنك تصير أفضل وتغير الموقف من حولك . عندما تكون الأوقات هى الأكثر حلكة ، والتجارب هى الأصعب ، ترى هل ترتفع أنت لمستوى آخر ؟
ترى كيف تتعامل مع الظروف المعاكسة ؟
هل أنت جزر

أم بيض

أم حبيبات بن مطحون



منقول طبعا
قصه قديمه قوى قريتها من سنيييييين طويله
بس افتكرتها مؤخرا

Sulto The Great

عــــــاجـــــــل

جــــاءنــا البــيـــــان التــــــالـى

انضم الرجل الاخضر لصفوف العاملين الكادحين
مستبدلا الشاى الاخضر .. بالورق الاخضر
نظرا لطبيعه عمله البنكيه الجديده

وبذلك يترك الرجل الاخضر مقاعد البطاله لى وحدى :D:D
على ان الحق به فى صفوف العاملين قريبا
" قول ان شاء الله" ... يا رب

و بمناسبه هذا الخبر السعيد
نهنئ و نبارك للرجل الاخضر النبأ السعيد و الورق الاخضر
و نقول له

يباركله يا معلم :D

Life is SUPER GooD :D

Thank ALLAH
Today is a super good day ...
and life also is super good to me

the past few days was so hard ...
cuz waiting is the hardest thing ever
specially waiting for bad things

so many bad things have already happened
but everything was nothing compared to wat i was afraid of
if it did really happen , it'd have been clear that life is really out to get me
but it didn't :D
and it was a false alarm :D:D:D:D:D


so im thankful ..... soooooooooo thankful for that
and sooooo happy also

today is really good
it's a full day
it started with an opportunity to a new life that i have to think about
ended with a great news that i was waiting .. hoping .. and praying for

and in the middle i discovered things about myself

i discovered that im way stronger than people give me credit for
im way stronger than i give myself credit for (H)

im not a super hero :D:D .... and i don't wanna be one:D
but i can take more than i thought i could
and no matter wat happens ... i'll always rise again


i discovered that im very very very intuitive person
i can feel the things that are kept unsaid
my intuition is right most of the time
wat i felt that it would happen ... really did
im as a wise friend of mine puts it '' Soosa"


i discovered that im really fine now
really fine
not in denial .... not pretending ... just fine

and the thing that i discovered and made happy the most
is that im a coffe :D
not egg .. not carrot
just a great coffe :D:D

عـاشــــوراء

كل سنه و انتوا طيبين

يوم الاربعاء ان شاء الله هيوافق 10 محرم

يوم عاشوراء

في صيام يوم 9 و 10
يعنى بكره التلات و الاربع ان شاء الله

عيشوا مع البليله :D
وينعاد عليكم بالف خير

بــعشــــقـك

بعشقك ... و بكرهك ..
بكره عشقى ليكى ... وبعشقك فى كرهى
برفضك و ببقي عايزه اهرب منك .. و انا من جوايا نفسي تقبلينى و اعيش فى حضنك
ببص حواليا بلاقى عشاقك كتير
بيحلموا برضاكى
يغزلوا فى عشقك اشعارهم لو ضحكتى ..
ويلعنوكى لما تكشرى ...
ضحكتك بتنور دنياهم ... بتفتح طريقهم و قلوبهم .. و يحسوا انهم ملكوكى
و تكشيرتك بتخنقهم ... و تحبسهم جوا نفوسهم ... وجسمهم يبقي سجن لروحهم
وانتى السجان

بصيت عليهم لقيتهم زيي
وهما بيلعنوكى و بيكرهوكى و رافضينك و عايزين يهربوا .. روحهم متعلقه فيكى
جارحهم اهمالك و قسوتك .. عشان مفيش اقسي من جرح الحبيب ..
بيحاولوا يغضبوا .. يقولوا احنا اللى رافضينك .. مش انتى
بس لو بصيتى جواهم هتلاقى بس نفسهم فى حنانك و ضحكتك
مش طمعانين فى حاجه الا ضحكتك .. راضيين بابتسامه .. و خايفين من زعلك
بتدوسي عليهم ... بتدوسي على الكل ... يمكن عشان عارفه ان عمرك مهما طال قصير
بس ده سبب ادعى لحنيتك بدل قسوتك ... ولا انتى بتقسي علينا عشان منخافش بعدك
انتى بتقسي عشان نحب اللى بعدك اكتر ... عشان اللى بعدك احسن و ابقي و انتى وقتك قصير
عشان تخلى فراقك يهون ... بس برده مهما عملتى مش بيهون
مهما قسيتى و دوستى بكل قوتك - وانتى قويه - برده عشقك فى القلب
عشقك فى الروح بيبدا من قبل الميلاد ... وحتى اللى بياخد القرار انه يهرب منك
ساعه التنفيذ مش بيقدر و مش بتهونى عليه ... و لو غاواه شيطانه و عملها قبل ما يخرج بيعافر بكل قوته عشان يرجعلك

مشاعرنا ناحيتك بسيطه و معقده ... تبان صعب تتفهم .. بس هى واضحه زى شمسك فى يوم صيف
اللى مش هيعرف يشوفها ... صعب ميحسهاش
عشان هتوصل له حرارتها لو هو فين

4 حروف .... شايلين كل المعانى
دنــيـــــــــــــــــــــــــــا

ليكى 1000 زاويه و زاويه
لو وقفت هنا هشوفك جميله الجميلات ... و هناك بتبانى مشوهه و بشعه
ليكى من كل زاويه شكل ... و من كل ناحيه حكايه
حاولوا قبلي كتير يفهموكى .. وكان مصيرهم الجنون
بس انا مش عايزه افهمك ... ولا عايزه اشوفك
مش فارق معايا اشوفك حلوه .. وحشه .. طيبه .. شريره .. حنينه او قاسيه
انا بس عايزه اعيشك ... احسك و المسك بروحى ... وخلى اللى عايزين يشوفوكى باى طريقه يشوفوا
واللى بيحاولوا يفهموا .. يفضلوا يحاولوا

كفايه انتى فاهمانى و حسانى
بتعرفى ازاى تسعدينى و فى ايدك كل مفاتيحى
عارفه انى بعشق شتاكى
مش كتير بيفهموه ... عشان مش بيحسوه
امبارح قاللى سلطان انه مش بيحب شتاكى و بيحب صيفك
شايفه قاسي و مقيد .. و الصيف حر و حنين .. دلع و اجازات

بس فى الصيف بنكره الشمس
و فى الشتا بنحس معاها باروع احساس ممكن حد يحسه فى حياته
اما تبقي برداااان .. و بتكتك من البرد .. جسمك ساقع ..
و تخرج للشمس .. وتيجى اشعتها تلمسك .. تحضنك و تدفيك
و جسمك يقشعر و البرد بيخرج منه .. و يدخل مكانه الدفا
مفيش احن من الشمس وقتها

اه الصيف حريه .. بس قاسي
الشتا ... احساس ... حنيه .. دفا
ومفيش حاجه تخليك حاسس انك عايش اكتر منك و انت هتتجمد و خلاص هتتنطط فى مكانك عشان تتدفى
او وانت نازل الشارع و لابس جاكت و بالطو و كوفيه و جوانتى ...
و فاكر انك كده محصن نفسك
بس تلاقى جسمك دافى و وشك ومناخيرك متلجين

ويا سلام على شويه مطر ... يغسلوا الشوارع و يغسلوا روحك
وانت بتجرى .. مش عارف انت بتجرى من المطر ولا بتجرى له
او سور الكورنيش و هو متلج .. و الهوا الساقع بيخبطك
بتترعش .. بس سعاده وهميه

الشتا بحس انه بيخليك تقدر كل حاجه
بيعرفك قيمه كل حاجه
قيمه مج الكابتشينو او الكاكاو وهو سخن عليك مش قادر تشربه
بس بتدفى ايديك بيه ... و بتقربه من وشك .. عشان تتدفى ببخاره
ومعاه اغنيه لعايده او فيروز
حاله شتويه خاصه

قيمه البيت اللى بيبقى الامان و الدفا
قيمه ان ربنا منعم عليك بسقف و حيطان تحميك
قيمه البطانيه اللى بتستخبى تحتها من لسعه برد مستقصداك .. و بتهرب منها و تطلع لها لسانك

حتى دورالبرد فى الشتا ... له طعم تانى
برد الصيف العن و اصعب

مش الكل ممكن يفهموا الشتا
عشان لازم يحسوها .. زى ما انا حاساها

معلش
خدنى الكلام عن الشتا ... بس انا بشكرك عليه
عشان زى ما بتاخدى .. بتدى
مش هقدر اوعدك مكرهكيش و احاول اهرب منك
بس اللى اقدر اوعدك بيه
انى وانا بلعنك .... عشقك فى قلبى بيكره اللى يقول امين