Tuesday, June 16, 2009

Fazlakat....

هو و هى بيهزروا بغلاسه على بعض
هى فجأه سكتت و خدت جنب
هو هيتجنن
هو: انتى اتضايقتى؟
والله انا بهزر
طب انتى بجد مش زعلانه منى
وبعدهم تليفونين و رساله
عشان هو يتاكد ان هى مش زعلانه و يقولها انا اسف
بجد اسف

السؤال بقى ... هو ازاى جميل اوى كده؟؟؟؟


****************


من كتير اوى شاغلنى موضوع ازاى ناس بيكون عندهم القدره انهم يحولوا كل البشر فى حياتهم لنسخ متطابقه على اختلاف شخصياتهم الحقيقيه ...
ازاى بيوصلوا كل الناس لنفس المكان .. و يخلوهم يقولوا نفس الكلام
بطرق كتير اوى .... بتبدا بالابتزاز العاطفى و مش بتنتهى فى مكان
بس انا مش فاهمه بجد ايه المتعه فى كده
بالعكس... دى حاجه وحشه اوى اوى اوى
الكلام بيفقد معناه و طعمه و بيفقد كل حاجه
بيبقي بس كلام ... ملوش اى قيمه
من كتر ما بيتقال
من كتر ما كل الناس بتقوله... بقي ماسخ
وبننتهى باحساس الملل من حياه مبتذله و ماسخه
عشان فيه كلام مينفعش يقوله الا حد واحد بس
مينفعش نحسه الا من واحد بس
لو الحد ده قاله بنملك الدنيا و اللى فيها
بس اما يبقي عادى ... و كل الناس تقوله .. بيبقي ماسخ و سخيف و يخنق
بس العيب مش على الناس
العيب على اللى ماشي يخلى الناس كلها عرايس خشب بيرددوا اللى عايزه
اه من قلبهم و هما مقتنعين باللى بيقولوه ... بس عشان هو حطه فيه

اسطوانه محفوظه بتتسمع لكل الناس مش مهم هما مين
مش مهم الكلام مقصود ولا لا
كلام ملوش اساس
يطلع عليه النهار يتمسح و يتنسي و يتغير
و يبقي فيه كلام جديد
عكس كل اللى اتقال قبليه
والاتنين زى بعض .. الاتنين اسطوانه بتتقال للكل.. مش مهم مين
بس اهى الشبكه بتترمى و اللى يطلع فيها بقى نبقي نشوفه بعدين
اللى عايزينه نخليه و اللى مش عايزينه نرميه


****************


4 comments:

Romaya said...

مبروووووووك حبيبي على النيو لوك الجديد للبلوج

واحلي حاجه انك غيرتي قالب المدونه واحتفظتي باللون الأبيض واكتفيتي انه عالجوانب بس لإني بتحول بصراحه من اللون الاسود

ياريت الواحد يقدر يعمل لحياته نيولوك جديد كدا بالسهولة دي!

ما علينا

سؤالك بقى .. هو ازاي جميل اوي كدا؟

دي حنية يا نانسي .. بيحبها وميطقتش يشوفها زعلانه منه في حاجه
حتى على سبيل الهزار

وموجود والله النوع دا بس الكمية محدوده في المكتبات

_______

والله اللي عايز يبقى عروسة خشب سهل اللي ماسكها يحركها ويوجهها ويعمل بيها اللي عايزه بيقى شخصية هشه
ملهاش اي معنى

ويبقى العيب علي ممكسوك مش اللي ماسك العروسة الخشب!

سيبك انتي من الرغي دا كله..

وحشتيييييييييييييييييييييييييني اوي يا نانوس

ســـــاره said...

هو جميل اوووي بجد :)

كفاية انه احترم شعورها ..يااااه عالإحترام يانانسي صاحبه يتشال عالراس والله

....................

اللي يرضى لنفسه يكون عروسه خشب..يبقى مايزعلش من اللي بيلعبه عالشناكل :)

.....................

حبيبي المدونة عسل حقيقي عسل زي صاحبتها كده :)
وربنا بيبي ياكتكوته خالص :D

Nanoz said...

romaya: الله يبارك فيكي يا حبيبي
مبسوطه كتير انه عجبك


من ناحيه موجود فكل حاجه موجوده الصراحه
بس اللى يشوف كويس حواليه
لو كل واحد بص كويس و ركز كويس ... هيلاقيه حاجات كتير مكنش شايفها ولا حاسس بها


هو مش عروسه خشب بالمعنى الحرفى
بس عارفه هو مسح مخ كده عجيب و قدرة اقناع

واسيبنى من الرغى ازاى
هو احنا فالحين فى عيره :D

Nanoz said...

سرسورتى :
احترام وحنيه و خوف و كل اللى انتى عايزاه :D
حاجه كده تجنن


بتقول حكم يا كبير ... كل كلامك ماشي يا عم .. انت بس تؤمر :D


مش عارفه ليه حاسه انى عايشه اليومين حاله شكل البلوج كده
طفولى على مراهقه . حاله عجيبه عايزه اكتب عنها