يوم فى منتهى الروعه ...
فى اتفاق غريب بين الناس على حرق دمى و اعصابى
مع ان كلهم ميعرفوش بعض
بس هو تقريبا فراغ ... كل واحد يلاقى نفسه فاضى
يقول ليه منحرقش دمها شويه
من اول ما اليوم بدأ و انا مش طايقه نفسي
تعب و ارهاق و عدم نوم .. و قرف من المشاريع وعك الفريق
اى هبل بيتقال عليه شغل جامد و محصلش
اللى بيشتغل بيتساوى عادى جدا باللى مش بيشتغل
مفيش اى فرق ... كله محصل بعضه
ممكن اروح اجيب كلمتين الزقهم جنب بعض ... و اجى اقول انا عملت شغل رهيب
استحق عليه نيشان و تعظيم سلام
كل واحد مش فالح الا فى الكلام بس .. و ساعه الشغل مفيش
ابيض
بس زى الفل ... وماله !!!
انا مش طايقه نفسي بجد خلاص
بجد ... والله العظيم ... لا فعلا يعنى
هو حقيقي الكلام ده
مش عارفه اقول ايه ؟؟
بس بيقولوا الاسم لطوبه و الفعل لامشير
وانا بسمع الكلام ... و اجى اشوف الفعل ... مش بلاقى اى علاقه
يمكن العيب من عندى
جايز برده
هو ايه الصح ... و ايه الغلط ؟!
مش عارفه
ولا عايزه اعرف
اللى عارفاه انى مخنوقه من الدنيا كلها و من نفسي
مش مستحمله حاجه
فى اتفاق غريب بين الناس على حرق دمى و اعصابى
مع ان كلهم ميعرفوش بعض
بس هو تقريبا فراغ ... كل واحد يلاقى نفسه فاضى
يقول ليه منحرقش دمها شويه
من اول ما اليوم بدأ و انا مش طايقه نفسي
تعب و ارهاق و عدم نوم .. و قرف من المشاريع وعك الفريق
اى هبل بيتقال عليه شغل جامد و محصلش
اللى بيشتغل بيتساوى عادى جدا باللى مش بيشتغل
مفيش اى فرق ... كله محصل بعضه
ممكن اروح اجيب كلمتين الزقهم جنب بعض ... و اجى اقول انا عملت شغل رهيب
استحق عليه نيشان و تعظيم سلام
كل واحد مش فالح الا فى الكلام بس .. و ساعه الشغل مفيش
ابيض
بس زى الفل ... وماله !!!
انا مش طايقه نفسي بجد خلاص
بجد ... والله العظيم ... لا فعلا يعنى
هو حقيقي الكلام ده
مش عارفه اقول ايه ؟؟
بس بيقولوا الاسم لطوبه و الفعل لامشير
وانا بسمع الكلام ... و اجى اشوف الفعل ... مش بلاقى اى علاقه
يمكن العيب من عندى
جايز برده
هو ايه الصح ... و ايه الغلط ؟!
مش عارفه
ولا عايزه اعرف
اللى عارفاه انى مخنوقه من الدنيا كلها و من نفسي
مش مستحمله حاجه
11 comments:
كنتــي كويسة يانانسي ايه اللي حصل ياحبيبي بس ؟
إيه يا بنتي ايه جرا بس؟
قلقتيني عليكي يا نانسي
مكدبش عليكى .. أيتديت أعيد حساباتى بالنسبة للنجاح فى مصر او فى اى دولة عربية
النجاح عندنا بالكومينيكيشنز .. غير كده يبقى حتتعبى .. ممكن تلاقى بس لما يفوت الزمن و يكون غيرك اللى فى مكان تانى وصل
ساره حبيبي متقلقيش عليا انا زى الفل
اعصابى كانت مضغوطه شويه بس
مرمر : ربنا يخليكي ليا يا حبيبي مفيش حاجه تقلق
هو بس المشروع تاعبلى اعصابى و مش بعرف اتعامل مع الغباء
قبارى : انا اللى عامل لى ازمه نفسيه بجد و مش عارفه اتعامل معاه هو الغباء
الناس عندها كميه منه رهيبه بس .. حتى فى ابسط الحاجات ... و كل واحد فاكر نفسه عبقري و بيهددك يحرمك من ابداعه الرهيب فى الشغل
وانت اصلا اللى اشتغلتله شغله .. بس برده هما مبدعين ... و تصقيف حاد على كلاام فارغ .. اما حاسه انى هتل قبل ما ابدا حتى المشروع
نفسي اسيبلهم كل حاجه و اطفش :d
امبارح جالى شبه انهيار عصبى فى الشغل و ولاول مرة فى حياتى ما يفرقش معايا ان الناس تشوف دموعى..كل ما حد كان بيسالنى مالك ما اعرفش ارد من كتر ما دموعى عمالة تنزل و مش قادرة اتحكم فيها..كم رهيب من الغباوة و الاستنطاع و الندالة و الوطيان حواليا
كنت على وشك اقدم استقالتى للمديرة
و بعدين اكتشفت انه مش مجرد كلام لما حد يقولى ان مفيش حاجة تستاهل حرقة دمى و بوظان صحتى كدا و فى نفس الوقت عمرى ما كنت الشخصية اللى بتستسلم بسهولة كدا..جربى تبقى العنيدة القوية اللى عارفة هى عايزة ايه و عارفة هتوصله ازاى هناك و اول ما تخرجى ارمى كل دا ورا ضهرك كانه ما حصلش و ارجعى انتى تانى عشان تعرفى تستمتعى ببقيت يومك و ما تسيبيش حاجة تحبطك ولا تعكنن عليكى عشان بجد ميش حاجة تستحق انك تضيعى ثانية من عمرك وعلانة عليها خصوصا فى الشغل و فى الدراسة..
تقريبا اصبح عدم اللامبالاة شيئ اساسى واللى مقدرش فعلا اتحمله ان حد يحملنى مسؤلية حاجه كانت مطلوبة منه
منتهى القرف
الاول انا اسفه جدا جدا جدا جدا جدا على التاخير فى الرد بس الذنب على الكمبيوتر اللى باظ و الكورس اللى واخد كل وقتى :$:$
ياسمين: انا من بعد ما اكتشفت ان صحتى بالدنيا و مرارتى مش هتقدر تستحمل كل الغباء ده
طلعت شرى و السواد اللى جوايا :D
واتلككت للى مخنوقه منهم و عملت خناقه :D
وحرمت حد يوجه لى كلمه ... و الكلام بقى منهم للـ leader
على طول و يصبوا غباوتهم على حد تانى .. المهم صحتى
Desert cat:
تخيلى بقى اما تبقى بتحلمى ان الموضوع يقف عند انك تشيليى مسئولية اللى قدامك
لو جت على كده و كل واحد حط لسانه فى بقه و الموضوع انتهى على كده
نبقى نعمه من ربنا
لكن ده انتى بتشتغلى شغلهم و كمان هما كده بيبقوا عاملين اللى عليهم و زياده و خيرهم مغرقك و عبقريتهم الفذه محاوطاكى
Post a Comment