ممكن تخرج .. ممكن تتكلم .. ممكن حتى تضحك
بس برده قلبك هيفضل مكسور
ومع كل كلمه بتنطقها ... و كل ضحكه بتضحكها ... بتكسر قلبك اكتر
وتوجعك اكتر ... و يبقى السكوت احسن و اريح
عشان كل المحاولات بتفشل و بتكسرك اكتر
واما بتحاول تخرج من اللى انت فيه و تقف على رجلك
وانت اصلا مش عندك طاقه كفايه لده
فبتستهلك كل اللى عنك و ترجع تحت اكتر من الاول
واما تبقي مكسور و تقوم تقف .. الكسر بيبقي مضاعف و يفضل يتضاعف مع كل محاوله
فاحسن حل انك تبطل تحاول لحد ما جرحك يلم لوحده
بدل ما تدوس عليه و يفتح اكتر و يوجع اكتر و اكتر مع كل محاوله
فاحسن حل انك تاخد ركن لوحدك
عشان متضايقش حد .. و محدش يحاول يصلحك
عشان انت كل اللى عايزه ان بس الالم يقف
مش مهم تبقي كويس .. مش مهم تبقي سعيد
مش مهم تحس اى حاجه
المهم بس الالم يقف
بس مفيش دواء سحرى يصلح قلب مكسور و روح مجروحه
ونفس تاهت محدش لاقيها
بس برده قلبك هيفضل مكسور
ومع كل كلمه بتنطقها ... و كل ضحكه بتضحكها ... بتكسر قلبك اكتر
وتوجعك اكتر ... و يبقى السكوت احسن و اريح
عشان كل المحاولات بتفشل و بتكسرك اكتر
واما بتحاول تخرج من اللى انت فيه و تقف على رجلك
وانت اصلا مش عندك طاقه كفايه لده
فبتستهلك كل اللى عنك و ترجع تحت اكتر من الاول
واما تبقي مكسور و تقوم تقف .. الكسر بيبقي مضاعف و يفضل يتضاعف مع كل محاوله
فاحسن حل انك تبطل تحاول لحد ما جرحك يلم لوحده
بدل ما تدوس عليه و يفتح اكتر و يوجع اكتر و اكتر مع كل محاوله
فاحسن حل انك تاخد ركن لوحدك
عشان متضايقش حد .. و محدش يحاول يصلحك
عشان انت كل اللى عايزه ان بس الالم يقف
مش مهم تبقي كويس .. مش مهم تبقي سعيد
مش مهم تحس اى حاجه
المهم بس الالم يقف
بس مفيش دواء سحرى يصلح قلب مكسور و روح مجروحه
ونفس تاهت محدش لاقيها
15 comments:
ربنا كبير يا نانسي وقادر على كل حاجة..هو أكبر من كل شيء
كل سنة وانتي وانتم بألف خير يا نانسي
وكل شيء بخير في حياتك دايما
كل سنة وانتي طيبة يا نانسي
ياريت بجد نشوفك وسطنا في ايجي
اكنك عرفاني من زمن و كتبتي اة و الله انتي وصفتي حالتي النفساوية بالظبط
إنشالله تكوني بخير:)
بعد صدمة او جرح كبير انا بفضل الاستسلام للالم فترة قليلة
انا مكن انصار عيش حزنك
لسبب تاني بالاضافة للاسباب اللي قولتيها
وهو ان اي حزن قاوحته وماعشتوش وعملت نفسي زي الفل ووقفت على رجلي تاني فضل جوايا واجعني وعمري ما نسيته
واي حزن اندمجت فيه وعشه ولو فترة بسيطة اتنسى اسرع كتير من التاني
عيشي حزنك بس وانتي مسيطرة عليه عشان ما يعيش فيكي
وحشتيني وكل سنة وانتي طيبة
كانك معايا طول الاسبوع ده
بس انا وصلت لمرحلة انى بقيت استمتع و انا مفهمة الناس كلها انى كويسة..
فكرة ان حد يعرف انى بالضعف اللى انا فيه اليومين دول مش قادرة اقبلها..
و بالظبط دى الجملة اللى على بالى..انى مش عايزة حد يصلحنى..عايزاهم بس يسيبونى اصلح نفسي
انا بعتلك على ايجى ابقى شوفيها
كل سنة و انتى طيبة يا نانسي و ان شاء الله السنة دى احلى :)
فينك مختفية عن العالم ده :)
في رعايةالله ان شاء الله ربنا يوفقك بإذن الله وتكوني بخير:)
اول حاجه اسفه لكل الناس على التاخير فى الرد بس بجد ظروف
و ميرسي لكل اللى ردوا و اسفه مره تانيه
ايمان : ربنا كبير ... ولولا وجوده مكنش حد اتحمل اى حاجه من زمان اوى
بس هو اكبر من كل شيء و اعلم مننا بالاصلح و الاحسن
و انتى طيبه يا حبيبي و كل حياتك خير و صحه و سعاده
و اسفه على الاختفاء ... بس انا مكنتش بدخل خالص
relove : و انت طيب ان شاء الله
و ربنا يسهل و اقدر ادخل ايجى تانى
مواطن مصرى : ربنا يبعد الحاله دى عنك و عن كل الناس و ميحكمش بها على اى حد
Founoon : صح لازم كل واحد يعيش حزنه عشان محدش بيقدر يهرب من نفسه
ممكن تهرب من الدنيا و الناس و تبعد على قد ما تقدر
وانت اصلا بتهرب من نفسك مش من حد ... بس نفسك و حزنك هيفضلوا معاك
اما موضوع السيطره فالواحد لازم يكسب شرف المحاوله
وانتى طيبه ... رب يخليكي يا اختشي
انا حره : هو انا الصراحه حاولت لفتره افهم لناس انى كويسه
بس بعد شويه بقي مشروع فاشل
عشان كان لازم يبقي حد لا بيشوف ولا بيحس عشان يقتنع
ومع انى مكنتش قادره اقبل ان حد يعرف الضعف اللى انا فيه ... بس داريته كتير لحد ما اتمكن وبقت مش فارقه يبان او لا
صعب اوى ان حد حاول يصلحك ... عشان كل واحد بيصلح من وجهه نظره هو
وانتى طيبه .... و يا رب الجاى احلى عشان بجد مفيش اسوا من كده
المهم بإذن الله كل حاجة بخير .ربنا يكتب لكم كل خير:)
امم..انا ايمان يا نانسي بس مش عارفة ليه مش سجل samamasr
Post a Comment