Miss You...

We talk ..
but just not as much as we used to..
i really miss u ...
i miss talking to you for hours about any and everything
i even miss feeling frustrated about your 2alsh :@

at those times i used to feel like i wanna kill u
or just cut u out of my life for good

but i discovered that im not able to do so

my dear friend: Sultoty
i really love and miss u

مجنونه

اتولدت عنيده...
اللى عايزاه لازم يكون...
من وهى صغيره .. مبتحبش حد يتحداها ...

كانت فى المدرسه.. فى ابتدائى..
بتتكلم عن كشكولها الجديد اللى من ساعه ما جابته.. و هى بطلت تطلع الاولى
وبتقول انها اتخنقت منه و هتقطعه
غلطوا و قالوا لها متقدريش...
وريتهم انها تقدر .. و قطعت الكشكول قدامهم و قامت رمته !!!

طول عمرها غريبه .. ومش زى حد ...
عنيده .. و عندها اقوى منها....
بترفض حاجات عايزاها... و تعند ومتاخدهاش ...
لو معجبهاش الطريقه اللى بيدوهالها بها ...
ولو قالت على حاجه كانت مستنيه الناس تعملها ومعملوهاش ..
مش بتقبلها و ترفضها ... عشان كانت عايزاها بس لو طلعت منهم
بس متلزمهاش حاجه طلبتها

مبتعرفش تفشل ... مبتعرفش متوصلش للى عايزاه
تفضل تدور على طرق تانيه ... و مستريحش الا اما فعلا توصل للى عايزاه
ارادتها فى الحياه العاديه مش قويه
لكن العند بيديها قوه 1000 ... وبتعمل حاجات مكنتش تتخيل انها تقجدر تعملها

عصبيه و مجنونه
بتتعصب و صوتها يعلى و اعصابها تبوظ و تنهار من الضغط العصبى
صعب ناس كتير يستحملوها
بس اللى بيستحملوا .. بيلاقوا صفات تانيه كتير

ياترى ايه هيحصل لها بعدين؟؟؟
نستنى و نشوف....

19/7

I Miss u
Love u
And Need u Soooooooo Much

wish u were here
R.I.P

شـلة الــمدعـيــــــن

غريب اما يبقي مجموعه مفيش بينها حاجه مشتركه
الا ان -سبحان الله- كلهم يشتركوا فى انهم مدعين
وكل واحد بيدعى حاجه مختلفه غير الباقيين
كل واحد عامل دماغ ادعاء مختلفه

وكل واحد فيهم بيتكشف فى مرحله مختلفه ... بس برده فى الاخر كلهم بيتكشفوا

اول واحده اتكشفت من اول يوم

واضحه اوى فى افتعالها .. طبقه صوتها نفسها مفتعله
مفيش حد طبيعي بيتكلم كده

انا لما كنت فى باريس مع جوزى فى شهر العسل
لما رحت باريس
اه ايام باريس

والله عرفنا انك رحتى باريس يا ستى .. بس ابدا .. لازم كل دقيقه تفكر كل الناس

انا بفهم و بشتغل و بعمل و بسوى .. انا قائد جامد جدا
انا قدت قبل كده .. و ممكن اقودكم

انتى اصلا متنفعيش عضو اما عايزه تبقي قائد

كل ما حد يهزر .. متفهمش و تاخد الكلام بجد
و تقول انا واحده جد مش بفهم الهزار
مع انها كل الناس عارفين انها لا بتفهم جد ولا هزار

وده بيبان اما تلاقى اى اتنين بيتكلموا فى اى موضوع
وفجأه يلاقوها فى النص بتفتى فى موضوع تالت خالص

بس عندها من عقد النقص ما يكفى انها تفضل طول الوقت تدعى و تحاول تثبت ادعاءتها دى


******************

تانى واحد برده اتكشف بدرى بدرى
دخل على الناس دخله جامده
انا عندى خبره فى كذا وكذا و كذا و كذا و كذا
انا ممكن اساعد كل الناس
انا و انا و انا و انا

بعدها فين اللى انت خبير فيه ده ؟
مفيش
فين المساعده اللى هتساعدها للناس؟
مفيش
انت كمان اللى محتاج مساعده كل الناس و عايش عاله عليهم !!
منور فعلا !!

*************

التالته بقى حكايه

ايه ده هو فى ناس بتكدب فى الدنيا :|
مش ممكن
طب و بيعرفوا يناموا ازاى بالليل

بريئه و مش بتتصور ان حد يكدب فى الدنيا
مش بتتصور ان يكون فى ناس وحشين فى الدنيا

مش بتخرج لوحدها ... ولا بتخرج من غير بابا و ماما
عشان عيب
ازاى بنت تخرج لوحدها .. ازاى بنت تبقي عارفه ان الناس بتغلط
لو شافت واحده بتتكلم كده .. بتروح تقولها ايه اللى انتى بتعمليه ده
انتى بتفضحى نفسك :|
مش صح انك تقولى انك عارفه الكلام ده .. ولا الناس دى
الناس كده هيفهموكى غلط و ياخدوا فكره وحشه عنك

هى الحكايه كده
ايه الحلاوه دى

*************

الرابعه بقى حكايه

كل الناس حبايبها
بس بتقرب من اللى هتستفيد منهم
من اللى هيخلوا صورتها تطلع حلوه
واللى ملهمش لزوم .. خلاص ياخدوا استماره
والكلام من وراهم يبقي حاجه تانيه خالص

طول ما بتعرف تستغل اللى قدامها عشان تبان هى كويسه
تاخد منهم على قد ما تقدر و تنسبوا لنفسها
يبقوا حبايبها اللى ملهاش غيرهم

لو حد حاول يهز الصوره دى بقى
يا ويله

************

شله عجيبه و ادعاء سخيف
بس الفرجه كويسه برده

هو و هى

هى متعصبه و مش طايقه نفسها
هو جاى يكلمها
هى: بتتعصب عليه و تزعق و تقوله سيبنى دلوقتى
هو: بيتعصب منها

هى: الضغط بيوصلها للانهيار
هو : هيتجنن عليها

هو: انا اسف جدا بس مش عارف على ايه ..لو كنتى زعلانه منى ارجوكى سامحينى
لو حد غيرك والله ما كنت سيبته .. لكن عشان انتى .. انا كده سكت .. انا مش عارف اعمل لك ايه .. والله انا فعلا حاسس بيكي ... وحزين جدا عليكى .. انا كنت والله هسقط انهارده فى الامتحان رغم انى مذاكر كويس .. فى كل سؤال كنت بشوفك وانتى بتعيطى والله ...

هى : انا مش زعلانه منك .. انا بس زعلانه .. بجد زعلانه
حصل خير


هو: عامله ايه دلوقتى .. انا مكنتش اعرف انك غاليه عندى كده
انا حاسس ان انا اللى زعلان والله
كفايه كده بقى
طول ما انا معاكى ميهمكيش اى كائن بجد

هى : مردتش

**************

الفيلم ده بدأ ينرفزنى انا .. و شكله هيبقي من انواع الافلام اللى بتبقى عايز تدخل تدى الابطال قلمين

هى ليه قاسيه كده
الدنيا كلها شايفه و حاسه انه هيتجنن عليها
وهى مش مدياله اى وش

حد لاقى اصلا حد يحبه كده؟

...

يارب
انا تعبت