بعشقك ... و بكرهك ..
بكره عشقى ليكى ... وبعشقك فى كرهى
برفضك و ببقي عايزه اهرب منك .. و انا من جوايا نفسي تقبلينى و اعيش فى حضنك
ببص حواليا بلاقى عشاقك كتير
بيحلموا برضاكى
يغزلوا فى عشقك اشعارهم لو ضحكتى ..
ويلعنوكى لما تكشرى ...
ضحكتك بتنور دنياهم ... بتفتح طريقهم و قلوبهم .. و يحسوا انهم ملكوكى
و تكشيرتك بتخنقهم ... و تحبسهم جوا نفوسهم ... وجسمهم يبقي سجن لروحهم
وانتى السجان
بصيت عليهم لقيتهم زيي
وهما بيلعنوكى و بيكرهوكى و رافضينك و عايزين يهربوا .. روحهم متعلقه فيكى
جارحهم اهمالك و قسوتك .. عشان مفيش اقسي من جرح الحبيب ..
بيحاولوا يغضبوا .. يقولوا احنا اللى رافضينك .. مش انتى
بس لو بصيتى جواهم هتلاقى بس نفسهم فى حنانك و ضحكتك
مش طمعانين فى حاجه الا ضحكتك .. راضيين بابتسامه .. و خايفين من زعلك
بتدوسي عليهم ... بتدوسي على الكل ... يمكن عشان عارفه ان عمرك مهما طال قصير
بس ده سبب ادعى لحنيتك بدل قسوتك ... ولا انتى بتقسي علينا عشان منخافش بعدك
انتى بتقسي عشان نحب اللى بعدك اكتر ... عشان اللى بعدك احسن و ابقي و انتى وقتك قصير
عشان تخلى فراقك يهون ... بس برده مهما عملتى مش بيهون
مهما قسيتى و دوستى بكل قوتك - وانتى قويه - برده عشقك فى القلب
عشقك فى الروح بيبدا من قبل الميلاد ... وحتى اللى بياخد القرار انه يهرب منك
ساعه التنفيذ مش بيقدر و مش بتهونى عليه ... و لو غاواه شيطانه و عملها قبل ما يخرج بيعافر بكل قوته عشان يرجعلك
مشاعرنا ناحيتك بسيطه و معقده ... تبان صعب تتفهم .. بس هى واضحه زى شمسك فى يوم صيف
اللى مش هيعرف يشوفها ... صعب ميحسهاش
عشان هتوصل له حرارتها لو هو فين
4 حروف .... شايلين كل المعانى
دنــيـــــــــــــــــــــــــــا
ليكى 1000 زاويه و زاويه
لو وقفت هنا هشوفك جميله الجميلات ... و هناك بتبانى مشوهه و بشعه
ليكى من كل زاويه شكل ... و من كل ناحيه حكايه
حاولوا قبلي كتير يفهموكى .. وكان مصيرهم الجنون
بس انا مش عايزه افهمك ... ولا عايزه اشوفك
مش فارق معايا اشوفك حلوه .. وحشه .. طيبه .. شريره .. حنينه او قاسيه
انا بس عايزه اعيشك ... احسك و المسك بروحى ... وخلى اللى عايزين يشوفوكى باى طريقه يشوفوا
واللى بيحاولوا يفهموا .. يفضلوا يحاولوا
كفايه انتى فاهمانى و حسانى
بتعرفى ازاى تسعدينى و فى ايدك كل مفاتيحى
عارفه انى بعشق شتاكى
مش كتير بيفهموه ... عشان مش بيحسوه
امبارح قاللى سلطان انه مش بيحب شتاكى و بيحب صيفك
شايفه قاسي و مقيد .. و الصيف حر و حنين .. دلع و اجازات
بس فى الصيف بنكره الشمس
و فى الشتا بنحس معاها باروع احساس ممكن حد يحسه فى حياته
اما تبقي برداااان .. و بتكتك من البرد .. جسمك ساقع ..
و تخرج للشمس .. وتيجى اشعتها تلمسك .. تحضنك و تدفيك
و جسمك يقشعر و البرد بيخرج منه .. و يدخل مكانه الدفا
مفيش احن من الشمس وقتها
اه الصيف حريه .. بس قاسي
الشتا ... احساس ... حنيه .. دفا
ومفيش حاجه تخليك حاسس انك عايش اكتر منك و انت هتتجمد و خلاص هتتنطط فى مكانك عشان تتدفى
او وانت نازل الشارع و لابس جاكت و بالطو و كوفيه و جوانتى ...
و فاكر انك كده محصن نفسك
بس تلاقى جسمك دافى و وشك ومناخيرك متلجين
ويا سلام على شويه مطر ... يغسلوا الشوارع و يغسلوا روحك
وانت بتجرى .. مش عارف انت بتجرى من المطر ولا بتجرى له
او سور الكورنيش و هو متلج .. و الهوا الساقع بيخبطك
بتترعش .. بس سعاده وهميه
الشتا بحس انه بيخليك تقدر كل حاجه
بيعرفك قيمه كل حاجه
قيمه مج الكابتشينو او الكاكاو وهو سخن عليك مش قادر تشربه
بس بتدفى ايديك بيه ... و بتقربه من وشك .. عشان تتدفى ببخاره
ومعاه اغنيه لعايده او فيروز
حاله شتويه خاصه
قيمه البيت اللى بيبقى الامان و الدفا
قيمه ان ربنا منعم عليك بسقف و حيطان تحميك
قيمه البطانيه اللى بتستخبى تحتها من لسعه برد مستقصداك .. و بتهرب منها و تطلع لها لسانك
حتى دورالبرد فى الشتا ... له طعم تانى
برد الصيف العن و اصعب
مش الكل ممكن يفهموا الشتا
عشان لازم يحسوها .. زى ما انا حاساها
معلش
خدنى الكلام عن الشتا ... بس انا بشكرك عليه
عشان زى ما بتاخدى .. بتدى
مش هقدر اوعدك مكرهكيش و احاول اهرب منك
بس اللى اقدر اوعدك بيه
انى وانا بلعنك .... عشقك فى قلبى بيكره اللى يقول امين
بكره عشقى ليكى ... وبعشقك فى كرهى
برفضك و ببقي عايزه اهرب منك .. و انا من جوايا نفسي تقبلينى و اعيش فى حضنك
ببص حواليا بلاقى عشاقك كتير
بيحلموا برضاكى
يغزلوا فى عشقك اشعارهم لو ضحكتى ..
ويلعنوكى لما تكشرى ...
ضحكتك بتنور دنياهم ... بتفتح طريقهم و قلوبهم .. و يحسوا انهم ملكوكى
و تكشيرتك بتخنقهم ... و تحبسهم جوا نفوسهم ... وجسمهم يبقي سجن لروحهم
وانتى السجان
بصيت عليهم لقيتهم زيي
وهما بيلعنوكى و بيكرهوكى و رافضينك و عايزين يهربوا .. روحهم متعلقه فيكى
جارحهم اهمالك و قسوتك .. عشان مفيش اقسي من جرح الحبيب ..
بيحاولوا يغضبوا .. يقولوا احنا اللى رافضينك .. مش انتى
بس لو بصيتى جواهم هتلاقى بس نفسهم فى حنانك و ضحكتك
مش طمعانين فى حاجه الا ضحكتك .. راضيين بابتسامه .. و خايفين من زعلك
بتدوسي عليهم ... بتدوسي على الكل ... يمكن عشان عارفه ان عمرك مهما طال قصير
بس ده سبب ادعى لحنيتك بدل قسوتك ... ولا انتى بتقسي علينا عشان منخافش بعدك
انتى بتقسي عشان نحب اللى بعدك اكتر ... عشان اللى بعدك احسن و ابقي و انتى وقتك قصير
عشان تخلى فراقك يهون ... بس برده مهما عملتى مش بيهون
مهما قسيتى و دوستى بكل قوتك - وانتى قويه - برده عشقك فى القلب
عشقك فى الروح بيبدا من قبل الميلاد ... وحتى اللى بياخد القرار انه يهرب منك
ساعه التنفيذ مش بيقدر و مش بتهونى عليه ... و لو غاواه شيطانه و عملها قبل ما يخرج بيعافر بكل قوته عشان يرجعلك
مشاعرنا ناحيتك بسيطه و معقده ... تبان صعب تتفهم .. بس هى واضحه زى شمسك فى يوم صيف
اللى مش هيعرف يشوفها ... صعب ميحسهاش
عشان هتوصل له حرارتها لو هو فين
4 حروف .... شايلين كل المعانى
دنــيـــــــــــــــــــــــــــا
ليكى 1000 زاويه و زاويه
لو وقفت هنا هشوفك جميله الجميلات ... و هناك بتبانى مشوهه و بشعه
ليكى من كل زاويه شكل ... و من كل ناحيه حكايه
حاولوا قبلي كتير يفهموكى .. وكان مصيرهم الجنون
بس انا مش عايزه افهمك ... ولا عايزه اشوفك
مش فارق معايا اشوفك حلوه .. وحشه .. طيبه .. شريره .. حنينه او قاسيه
انا بس عايزه اعيشك ... احسك و المسك بروحى ... وخلى اللى عايزين يشوفوكى باى طريقه يشوفوا
واللى بيحاولوا يفهموا .. يفضلوا يحاولوا
كفايه انتى فاهمانى و حسانى
بتعرفى ازاى تسعدينى و فى ايدك كل مفاتيحى
عارفه انى بعشق شتاكى
مش كتير بيفهموه ... عشان مش بيحسوه
امبارح قاللى سلطان انه مش بيحب شتاكى و بيحب صيفك
شايفه قاسي و مقيد .. و الصيف حر و حنين .. دلع و اجازات
بس فى الصيف بنكره الشمس
و فى الشتا بنحس معاها باروع احساس ممكن حد يحسه فى حياته
اما تبقي برداااان .. و بتكتك من البرد .. جسمك ساقع ..
و تخرج للشمس .. وتيجى اشعتها تلمسك .. تحضنك و تدفيك
و جسمك يقشعر و البرد بيخرج منه .. و يدخل مكانه الدفا
مفيش احن من الشمس وقتها
اه الصيف حريه .. بس قاسي
الشتا ... احساس ... حنيه .. دفا
ومفيش حاجه تخليك حاسس انك عايش اكتر منك و انت هتتجمد و خلاص هتتنطط فى مكانك عشان تتدفى
او وانت نازل الشارع و لابس جاكت و بالطو و كوفيه و جوانتى ...
و فاكر انك كده محصن نفسك
بس تلاقى جسمك دافى و وشك ومناخيرك متلجين
ويا سلام على شويه مطر ... يغسلوا الشوارع و يغسلوا روحك
وانت بتجرى .. مش عارف انت بتجرى من المطر ولا بتجرى له
او سور الكورنيش و هو متلج .. و الهوا الساقع بيخبطك
بتترعش .. بس سعاده وهميه
الشتا بحس انه بيخليك تقدر كل حاجه
بيعرفك قيمه كل حاجه
قيمه مج الكابتشينو او الكاكاو وهو سخن عليك مش قادر تشربه
بس بتدفى ايديك بيه ... و بتقربه من وشك .. عشان تتدفى ببخاره
ومعاه اغنيه لعايده او فيروز
حاله شتويه خاصه
قيمه البيت اللى بيبقى الامان و الدفا
قيمه ان ربنا منعم عليك بسقف و حيطان تحميك
قيمه البطانيه اللى بتستخبى تحتها من لسعه برد مستقصداك .. و بتهرب منها و تطلع لها لسانك
حتى دورالبرد فى الشتا ... له طعم تانى
برد الصيف العن و اصعب
مش الكل ممكن يفهموا الشتا
عشان لازم يحسوها .. زى ما انا حاساها
معلش
خدنى الكلام عن الشتا ... بس انا بشكرك عليه
عشان زى ما بتاخدى .. بتدى
مش هقدر اوعدك مكرهكيش و احاول اهرب منك
بس اللى اقدر اوعدك بيه
انى وانا بلعنك .... عشقك فى قلبى بيكره اللى يقول امين
4 comments:
بجد معرفتش أقول حاجة
ربنا يكرمك ويوفقك
اوقات يا دنيا معاكي بعيش و ساعات مابفهمكيش و انتي ولا فاهماني
ده كلام محمد فؤاد
الزمن هو نفسه ثابت. الناس هم اللي بيتغيروا وبيختلفوا. هم اللي بيخلوا الحياة وحشة او حلوة
بالنسبة للشتاء..انا مابكرهوش بس مابستحملوش
بحسه بيقيدني و البرد بيفضل ملازمني 4 شهور و مابعرفش اقرب من البحر عشان المليون نوة اللي بييجوا في الوقت ده
الشتا قاسي..و قسوته باينة علي اهل غزة اللي مش عارفين ايه بيدمرهم اكتر..القصف ولا البرد؟
الصيف مابيعرفش غني ولا فقير..افقر شحات يقدر بحتة كارتونة مرمية يهوي لنفسه في الصيف..بس في الشتا؟ ممكن يموت بكل بساطة من البرد
انا بفضل الصيف عن الشتا..بس مابكرهش الشتا..ولا بحب قسوته
كاتب مصرى : مش عارفه معرفتش تقول حاجه عشان البوست عجبك ولا خنقك :]
بس ميرسي لردك و ربنا يكرمك و يوفقك
سلتو : لا على فكره هى سوسه و فاهمه كل حاجه و عامله مش فاهمه
والدنيا عمرها ما كانت الزمن
الدنيا والحياه وصف شامل كل حاجه
الزمن و الناس و كل و اى حاجه تانيه
فالتغيير فى اى جزء منه .. بيغير من الكل
عشان كده الدنيا مش بتثبت على حالك .. عشان المتغيرات و العوامل اللى بتاثر فيها كتير .. اكتر من انك تقدر تتحكم فيها
اما بالنسبه للشتا
فزى ما قلت الشتا احساس ... لو محستوش مش هيفرق معاك
والناس فيما يعشقون مذاهب
فزى حاجات كتير .. هنتفق الا نتفق
منور يا حاج
تعالى كل يوم
Post a Comment