سيره الحب

طول عمري بخاف من الحب ... وسيره الحب... وظلم الحب لكل اصحابه
واعرف حكايات مليانه آهات ودموع وانين ...والعاشقين ذابو ماتابوا
طول عمري بقول ....لانا قد الشوق ..وليالي الشوق ..ولا قلبي قد عذابه

وقابلتك انت ...ولقيتك بتغير كل حياتي معرفش ازاي حبيتك معرفش ازاى ياحياتي
من همسة حب لقيتني بحب ...لقيتني بحب وأذوب في الحب
اذوب في الحب صبح وليل على بابه

فات من عمري سنين واسنين شفت كثير كثير و قليل عاشقين ...الي بيشكي حاله لحاله
والي بيبكي على مواله...اهل الحب صحيح مساكين صحيح مساكين
ياما الحب نده على قلبي ماردش قلبي جواب .....
ياما الشوق حاول يحايلني واقله روووح ياعذاب....
ياما عيون شاغلوني لكن ولا شغلوني........
ألا عيونك انت .......هم بس الي خذوني وفي حبك امروني
امروني احب لقيتني بحب ..... لقيتني بحب واذوب في الحب
اذوب في الحب صبح وليل على بابوه


يالي ظلمتو الحب وقلتو عدتوا عليه وقلتوا عليه مش عارف ايه
العيب فيكم يا في حبايبكم ...... اما الحب ياروحي عليه
في الدنيا مفيش ابدا ابدا احلى من الحب.....نتعب آآآه.....نغلب آآآآه...
نشتكي منه لكن بنحب....ياسلام على القلب وتنهيده في وصال وفراق
وشموع الشوق لما يقيدوا ليل المشتاق....ياسلام على الدنيا وحلاوتها فى عين العشاق

وانا خذني الحب ولقيتني بحب
لقيتنى بحب وادوب في الحب
ادوب فى الحب و صبح وليل على بابه

My Shady

من زمان انا و صغيره
كان في صبي يجي من الاحراش العب انا و ياه
كان اسمه شادي
انا و شادي غنينا سوا
لعبنا على الثلج ركضنا بالهوى
كتبنا على الاحجار قصص الصغار و لوحنا الهوى


شادى مش اسمه
بس طول عمره هو شادى بتاعى
ولحد دلوقتى ... حتى بعد ما بقى لناس تانين ... هيفضل برده شادى بتاعى

من اول ما فتحت عينى على الدنيا و وهو قدام عنيا
بحب خناقنا .. و بحب اما بنفضل نناكف فى بعض
لما بنبقى زى القط و الفار .. مش سايبين بعض فى حالنا
لو واحد سكت .. التانى ينكشه و يستفذه ..

كنت ببقي سعيده و انا سامعه مامتى و مامته بيتكلموا عننا

و هما بيشتكوا لبعض من اولادهم اللى مش عارفين يربوهم

و كل ما واحده تقول حاجه التانيه تقول و اللى عندى كمان كده

بنحب نفس الحاجات ..

طبعنا شبه بعض ..

بكون فى منتهى السعاده لما حد بيقول ..

انه حاسس انه واقف مع نسخه واحده فى شخصين ..

نفس الوقفه و طريقه الكلام و التعبير و الكلام اللى زى الدبش ..

شبهى ..

كل ما احس بحاجه ناقصانى كنت بشوفها فيه

لما البنات فى المدرسه كانوا بيتكلموا عن اخوهم الكبير ..

كنت بتكلم عنه هو ... و احكى عنه ..

بحكى بكل فخر ... كنت دايما مبهوره به ..
بحبه اكتر من الدنيا ..
بس مستحيل حد فينا يبين للتانى اى حب ..
مستحيل يعمل اى حاجه غير اننا نناقر فى بعض و نغلس على بعض
شقاوه و رخامه ...
انا اباجورته ... و هو لمبتى :D


وكبرنا .. بس بكبر على كل الناس
بس لحد عنده
و بفضل نفس الطفله ... الطفله اللى عايزه تعاكسه و تلعب معاه
اطفال بيركضوا بالهوى

Hilarious

it's always hilarious to hear satan preaching

Random

ساعدنى

انا حبى لك من قوته خلانى اضعف
مبقتش مالكه اى شىء مبقتش اعرف
لا انا عارفه ابعد عن هواك و انت جارحنى
ولا عارفه استنى معاك و انت مصالحنى



احساس غبى اوى اما تحس انك عايش فى فيلم واحد
بيخلص و يبدا من اول وجديد
نفس الفيلم
نفس الاحداث
ببطولتك مره و بطوله اللى حواليك مره
فى كل الاحوال بتعيشه من اول و جديد
over and over again
وكأن مره واحده مش مؤلمه كفايه
بتشوف غيرك فى نفس مكانك .. بنفس احاسيسك ..
بيعيد فيلمك قدامك
كفايه بقى
كفايه اوى اوى اوى اوى كده



عالمكشوووووف

ليه الدنيا متبقاش عالمكشوف
ليه الناس بتكدب و تخدع و تجرح
و يرجعوا يكدبوا و يجرحوا و يخدعوا تانى
والموضوع بس بيبقى بس تغيير ضحايا

ليه تبقى شايف قدامك حد بيتعذب
وهتتجنن و تقول الحقيقه
بس الحقيقه هتجرحه اكتر .. وهمه و عذابه دلوقتى اهون من الحقيقه ..
وانت مضطر تسمع و تسكت و متقولش اى حاجه عشان متزودش عذابه

ليه تبقى شايف ناس احترفت الظلم و الكدب
ومفيش قدامك الا انك كل يوم تستني الضحيه الجديده
وانت بتتفرج على فيلم غصب عنك
فيلم خلاص قرفت من الفرجه عليه

ليه

ليه .. كل ضحيه بتروح برجلها
بتسلم نفسها بنفسها و هى سعيده
ازاى كلهم نفس الشخصيه و كلهم مختلفين


ليه

ليه الناس بتبقي منافقه
ليه فى وشك اقولك انك حبيبي و مليش غيرك و الباقى كلهم ولا حاجه
ومن وراك اقول فيك ما فى الخمر
ليه الناس بتتعامل مع بعض على انهم دفاتر قديمه
انت دفتر قديم
مش محتاجك انهارده .. خليك على الرف
معايا دفاتر جديده
الدفاتر الجديده باظت !!!
طلع يابنى الدفاتر القديمه على ما اعمل لسته جديده
وارجع اركنهم تانى



كلمه قالتها واحده صاحبتى
يوم تبقي بتسمع اغنيه
واليوم اللى بعده تعيشها




ليه

ليه كل كلامى مبقالوش اى معنى
ومفيش اى حاجه لها اى معنى
بس الحياه هتستمر
والفيلم هيفضل يعيد نفسه
و هتفضل فى Groundhog Day

Confessions of a Former Teenage Drama Queen

ساعات تقعد مع نفسك و تفكر
بتفكر فى حاجات فاتت و حاجات بتحصل دلوقتى
تلاقى نفسك بتتصدم

بتشوف حاجات عمرك ما فكرت انها كانت موجوده
وتفسيرااات لمواضيع عمرها ما جت فى بالك

عشان وانت بتبص من جوه ... غير من بره
جوه بيبقى التفسير الاقرب هو التفسير الاكثر دراميه
وما ادراك ما الدراما
جوه بيبقى فيه توتر .. لخبطه .. و فوضى
بتبقى واقف فى اوضه ضلمه ... مفيهاش شعاع نور
بتدور على طريق و سكه ... و بتلاقى نفسك بتخبط فى كل حاجه
مفيش تفكير ... مع تصرفات فى منتهى العشوائيه
بيترتب عليها مواقف اكتر عشوائيه و تفاسير لا منطقيه
وتلاقى نفسك فى دايره كلها غلط فى غلط

انت غلط .. تفكيرك مشوش .. و تصرفاتك عشوائيه
واللى حواليك كمان مش بيفهموا حاجه و بيتصرفوا تصرفات على اساس تصرفاتك دى
وانت مش فاهم حاجه .. وكل حدث جديد .. بيتشبك فى القديم
و بيتفسر مع السلسله ... لحد ما السلسله دى بتلف حواليك
وتخنق حاجات كتير و تخنقك معاها و تغرقك فى متاهات دراميه معقده


بس بعد اما بتقف بره .. و تتخلص من مشاعر اللخبطه دى
وتطلع بره بؤره الدراما و تفسيراتها
تطلع تقف فى النور .. و تبص حواليك

ايه ده ... اللى كنت شايفه شبح طلع مجرد عروسه خشب
واللى كنت بتستخبى وراه و فاكره امان ... طلع فيه حفره من غير اخر
لو خدتك .. مكنتش نجيت منها
حاجات كتير خيالك كان مصورلك شكلها مختلف
و ردود فعلك و حركتك بناء على شكلها ... اتسببت انك اذيت نفسك

وبتفكر ... بتفكر بجد من غير اى تخيلات .. تفسيرات .. ولا حتى اراء مسبقه
بتبص على الحاجه زى ما هى
و تلاقى نفسك فجاه فى حاله ضحك هيستيريا

ضحك على خوف و رعب و حزن و جرح
ضحك على نفسك ... و على ايام قضتها فى حاله مكانها الوحيد خيالك
حسيت بحاجات جديده ... مش فاهمها ... حبيت انها تبقى قصه
احداث ... و دراما !!!
فسرتها .. و صدقتها .. و كرة التلج الصغيره بقت وحش كبير
ووسط ما انت بتضحك بتضحك
قلبك يوجعك .. من كتر الضحك ... بس الوجع المره دى فكرك
فكرك بالوجع قبل كده ... مكانش من الضحك خالص ساعتها ..
كان الم اكبر من تحملك ... الم فى عز توهتك افتكرته نهايه العالم
نهايه عالمك انت .. حسيته انه اقصى درجات الالم

دلوقتى بتضحك ... بتضحك و تتمنى انه يكون ده فعلا كان اسوء ما يمكن
وتتنهد و تقول يااااااااااااه ... لو ...

لو كنت فهمت الحقيقه .. لو فسرت صح من الاول
لو كنت وقفت ولعت النور .. بدل ما تكمل تخبيط فى الضلمه
مكنتش لا اذيت ولا اتأذيت ..

بس الاهم من ده .. تكتشف انك لسه معشتش ... لسه مشوفتش
لسه واقف على البر ... و اما من بعيد شفت حاجه شبه ميه
قلت انا كمان زى الناس كلهم و هعوم و اوصل
بس الميه كانت سراب .. سراب لرغبتك و اشتياقك للميه و البحر
حتى لو لقيت نفسك فى بحر رمال ... و مش اى رمال .. رمال متحركه كانت هتغرقك و تخنق جواك اللى لسه متولدش ولا عاش ولا شاف النور

بس مش مشكله!! .. اه مش مشكله !!
المهم انك عرفت ... عرفت ان الاشتياق للميه و السراب .. مش حقيقه
وانك ضحكت .. ضحكت على سذاجه و هبل منك ... وانت اللى كنت بتقف تضحك على الناس و على سذاجتهم و تقول ازاى ؟!!! ... ازاى ده يحصل
والتلفيات و اللى اتكسر فى طريقك ... يمكن كان احسن انه اتكسر
عشان كان هش اصلا ... وكان هيتكسر فى اى لحظه
وعنده القابليه للكسر ... فعلى الاقل هو كده خلاص اتكسر و عرفت
وبقى ماضى
ماضى فيه ضحك و الم و درس

بس مش انت بس اللى لازم تتعلم منه

وتحتار ... اعمل ايه ؟
اجرى و افسر الحقيقه ... اقول ده مكانش كده
ده كان كذا و كذا
بس لا ... مش هفسر حاجه
ولا هشرح حاجه ...
الموضوع ميهمش غيرى ...
وتفسير الحكايه و اللى فات .. مهم عندك لوحدك ..
فتحتفظ بالنتيجه لنفسك ... اما تفتكر .. هتيجى على وشك ابتسامه
و فى عنيك لمعه ... مش هيفهما غيرك ..

بس فى حاجات لازم تتعمل ... و حقوق تترد ..
وناس تتعلم درس ..
بس محدش هيفهم ... ولا هيتعلم ...
فتلجأ لطريق اخير ... تستغل فيه لاخر مره خبرتك الدراميه
ضرورى .. عشان تثبت لنفسك اللى تقدر عليه ومحدش يقع تانى